Ispiluaz bestaldean

Usoak beltzak dira,

beleak dira txuri,

lehoia humil, ardiak

krudel ta otsoa otzana.

Ispiluaz bestaldean

tximeleta zoroak

suaren adarretan

pausatu egiten dira

ta armiarmek dituzte

ferekatzen euliak.

Zoriontsuak ispiluaz

bestaldeko txoriak

zeren kaioletako

orma krudel guztiak

gardenak diren eta

teilatuak urdinak.

Zoo ilogikoa, PAMIELA, 1985

LUIGI ANSELMI