HISTORIKOA

KEINU 2021

KEINU 2019

KEINU 2020

PATRICIA URRUTIARI.

(Bilbo, 1977) EHUn Filologia Klasikoan lizentziatua da. Philipe Gaulierrekin (London) eta Mar Navarrorekin (Madrid) antzezle-ikasketak burutu ditu. Horrez gain, musika eta biolin-ikasketak ditu. Hizkuntzak, antzerkia eta musika zoratzen maite ditu. Antzerkia antzeztu, idatzi, zuzendu eta azken urteotan, Benetan Be Teatroaren jaiotzatik, ekoiztu ere egiten du. Telebista eta zinerako hainbat ekoizpenetan ere lan egiten du. Nekeak neke, ardurak ardura, munduko beharrik onena daukalako konbentzimendua dauka.

 

ANTZERKI-JOKOA ETA INPROBISAZIOA

Jolastuko gara. Jolasean dibertitzen garelako. Bide batez, jokoaren bitartez, entzutea, konfiantza, konplizitatea eta berezkotasuna landuko ditugu. Eta irudimena astinduko dugu. Hemendik abiatuta, antzerki-inprobisazio ariketetara igaroko gara, pertsonaiak, espazioak, istorioak sortzeko.

 

Gorputzetik eta mugimendutik lan egingo dugu. Presente eta adi gaudelarik, elkarrekin jolasean, sortu beharrekoak sortuko dira eta ezustean harrapatuko gaituzte.

 

- Ekainaren 20tik 23ra (astelehenetik ostegunera)

- Ordutegia: 18.00- 19.30

- 9 / 11 urteko haurrentzat

- ASTRAN. Gorputz Faktoria

- 20 €

LAURA PENAGOSI.

Antzezle-sortzailea eta hezitzailea. Bogotako Teatro Libre Eskolan graduatu zen. Goiz hasi zen antzerki-irakaskuntzan. Kolonbiako unibertsitate entzutetsu bat baino gehiagotan lan egin du irakasle gisa, eta hainbat muntaia profesionaletan aritu da aktore gisa. 2008an, Nafarroara bizitzera iritsi zen. Besteak beste, Workcenter Grotowski eta Thomas Richards taldeekin jarraitu du bere trebakuntza, Bartzelonan eta Italian. Gorputz eta ahots formazioak ematen dizkie antzezle eta eszena arloan interesa duten pertsonei. 2021ean, antzerki-bira hasi zuen Atzerrian lurra garratz lanarekin, istorioaren aktore protagonista gisa AHuts Teatroa eta Artedrama plataforma eszenikoaren eskutik. Gaur egun, bere metodologia ikertzen eta garatzen ari da prestakuntzari eta sormen-prozesuei begira.

 

DAN-DAN, PROTRAGONISTA ZEU ZARA

Lau egun hauetan zehar, Kolonbiako Chandé danborraren konpasean, Kolonbiako ipuinak eta antzinako abestiak ardatz hartuta, erritmoarekin eta koordinazioarekin dantza egingo dugu, orekarekin eta lateralitatearekin jolastuko gara, eta entzuteko gaitasuna kantatuko dugu. Esperientzia ludikoa eta sortzailea izango da gure gorputz sentsorial eta hunkigarriarekin, beste kultura baterako hurbilketaren bidez. Topaketa hau abentura, dibertsio eta zaintza-gune bat izango da

 

- Ekainaren 20tik 23ra (astelehenetik ostegunera)

- Ordutegia: 16.00-17.30

- 6 / 8 urteko haurrentzat

- ASTRAN. Gorputz Faktoria

- 20 €

KEINU, ANTZERKIRA HURBILDUZ|

Errotik gorantza datorren keinua ahotsa, gorputza, zeinua.

Artedramak, Astrak eta Kultur Etxea Fundazioak elkarlanean, arte eszenikoetara hurbildu nahi duten herritarrei aukera luzatu nahi diegu jolasa, irudimena eta sorkuntza elementu nagusitzat dituen antzerkiaren abenturan murgiltzeko.. Gernika-Lumon kultur eskaintza anitza emateko asmotan antzerki ikastaroak ere eskaini nahi ditugu.  Arte eszenikoen mundura lehen pausua emateko tailer trinkoak euskaraz proposatzen ditugu eta horiekin batera antzerkigile ezberdinen begirada ezagutzea dugu helburu. Gure KEINU antzerkigileei, antzerkizale eta etorkizuneko aktoreei zabaldu nahi diegu gure herrian eta eskualdean.  Antzerkia jolas moduan euskara hutsean lantzea da gure erronka nagusia beste behin ere. Saio hauetan ikasle bakoitzak bere sormenezko unibertso propioa eraikitzea gustatuko litzaiguke eta antzerkiak dituen forma guztiak ezagutzea gurekin.

 

Antzerkiaren transmisioa, unibertsoa, aldarrikapena orain eta hemen gure KEINUri esker.

 

Izena emateko, jarri gurekin harremanetan 686 198 264 telefonora deituz, edo info@artedrama.eus helbidera idatziz.

 

Artedrama. Arte Eszenikoen Plataforma.                                      Tel.: (+34) 615 77 95 11  .  (+34) 636 552 244

info@artedrama.com