2012an sortu zen ZUbi ekimena. Euskal sortzaile berriei bultzada emateko konpromezua hartzeko beharra sentitu genuen, hurrengoei nolabait, ateak zabaltzekoa. Horrela, kezka hauen partekatzetik, Hegoalde zein Iparraldeko zazpi aretoren eskutik ZUbi deialdia martxan jarri ahal izan genuen.

Bere berezitasuna da, kide guztien artean laguntza globala eskaini nahi dugula (artistiko, tekniko, ekonomiko nahiz kudeaketakoa), sortzaile eta sorkuntzaren premietara egokituz eta lanaren prozesu osoan zehar jarraipena eginez.